يمته يمته نزورك يا علي = ونشوف كبة نورك يا علي
ونطوف بالحضره = ياوالد العتره
يمته يمته نزورك يا علي
--------------------
يمته يمته نزورك يابا الحسن = وندخل الحضره ونشم عطر الصحن
الك روحي تحوم يا محيي السنن = يا علي الكرار وكليبي يحن
يمته اشد ارحالي يا علي = وللنجف منوالي يا علي
واشكيلك بعبره = ياوالد العتره
يمته يمته نزورك يا علي =
--------------------
من البعد مولاي هالمحفل هتف = ريتنه بهاليوم في ارض النجف
والله ما خاب الذي لصحنك زحف = ومن غديرك سيدي كلبه ارتشف
شيعتك ملهوفه يا علي = للضريح اتشوفه ياعلي
للوعد منتظره = ياوالد العتره
يمته يمته نزورك يا علي =
--------------------
الليله ميلادك فتح باب السرور = ونثر فوك الكون قداح وعطور
واحنه من بعيد يا حيدر نزور = يبقى بينه الشوك سفان ويدور
يلي حبك بينه يا علي = من الشدد يحمينه ياعلي
الافراح منتشره= ياوالد العتره
يمته يمته نزورك يا علي =
--------------------
يا علي الكرار يا حامي الدخيل = ابعث اشواكي الك ويه الاصيل
انته شخصك للهدايه اصبح دليل = للحشر والله عنك ما نميل
يا رحيق امالي يا علي = ساكن بدلالي ياعلي
الاشواك متوجره = ياوالد العتره
يمته يمته نزورك يا علي =
--------------------
يا علي من البعد نورك يلوح = وامنياتي المرقدك اكصد واروح
يلي شوفة كبتك تشفي الجروح = ومنه عطر الروض والعنبر يفوح
اليوم كل احبابك يا علي = توسدت باعتابك يا علي
يابالحسن نظره = ياوالد العتره
يمته يمته نزورك يا علي =
--------------------
أهلاً وسهلاً بك عزيزتي الزائرة / عزيزي الزائر في موقع معهد أنوار اليقين للحاسبات
المدير العام للموقع
موضوع: يمته يمته انزورك ياعلي ___لكل بعيد عن ارض النجف الاشرف 
